重阳节歌谣内容介绍

2017-09-10

  重阳节歌谣一

  菊花黄,黄种强;菊花香,黄种康;

  九月九,饮菊酒,人共菊花醉重阳。

  九月九,是重阳;放纸鹞,线爱长。

  八月中秋哥送饼,九月重阳妹送鞋(仫佬族)

  九月九风吹满天哮。

  重阳无雨一冬晴。

  重阳节歌谣二

  重阳节,又试话登高。究竟年年如是,有乜功劳?

  虽则系如画嘅秋山,游吓亦好,做乜偏要向往重阳个日,至晓得风骚。

  你话敢样就可以避灾,亦何不大早。点解你单身前往、又试剩落个的妻孥。

  开讲话一部通书,都唔睇得到老。况系个的区区陈迹,重驶乜咁心操。

  既系你上日唔知,我亦唔怪得你去做。唉!悭吓脚步,何苦去寻烦恼。

  不若静坐思量,想吓边一样可图。

  重阳节歌谣三

  九月九,个个都去登高,你睇个班嫩仔,走得气嘈嘈。放起个只纸鹞在高处舞,扶汉声声(响弓声),唤起个的懦夫,总系企在个处风头,须要努力正好。

  虽有声威,可惜你未满羽毛,怕只怕失足云霄,个阵就遗恨万古。咪估个条包索,可以把天箍,既替得个佬流灾流难,边处唔流到。唉!难把身世顾,只望得天怜悯,俾你有点功劳。

  重阳节歌谣四

  九月九,係重阳,登高人仔一双双。绿女红男随处咁荡,你睇扯旗山下几多女娇娘。係咯呢阵男女平权民气渐长,好似黄花晚节,你话几咁馨香,止怕落帽龙山,年年咁混账。

  可惜只知寻乐,不记得国破家亡,罢咯等我趁此良辰,便把民族高唱,万望大家齐醒,快把革命提倡。个阵扫尽胡儿除尽魍魉。唉,须要细想,避灾係咁样,古云匹夫有责,莫个自弃权强。